Read more
Tonzang Myonee Tualmu khua a teeng hi a, a khua zaang un khua dang ah gal sim ding aa a pai kal un gal ten’ a khua uh na sim aa, a thah loh teng aneu a lian in a hing in kai gai uh hi. Mi hing khat mah zong om lo in ganhing vok, aak leh ui bek om aa, a khua uh na dai dik dek hi. A pa Pu Lam Tuang zong gal beng aa pai hi aa, a tun ciang in a zi a ta, a khua ah mi hing khat mah zong na om lo in hi la na phuak hi.
- Phung gual al bang man nua a sial lum ka lawh,
Zua sau maang guak sang sum kin zem nuam ingh e.
- Zua sau mang guak sang sum lun zom nuam ingh aw,
Khua mual guak sa, laal sum lim zom nuam ingh e.
Pu Tuang Ngam pen aneu lai-hi-in a man’ pa pen Khuangnung khua a teng Hatzaw te Kim Thang a hi hi. A tai kiik ding lau in ui zin khih bang in kol bulh in khih aa, sun in inn ka-ah, zan in inn lim ah khih hi ki ci hi. A ma tung pan in mual bem sukte te pu Khan Thuam in lei aa, tua bang mah in khih in tai nawn ken the cia a ngaih muan ciang in khih nawn lo hi ki ci hi.
Pu Tuang Ngam in khua a theih ciangin a thuak na teng ngaih sun in la a phuak hi.
- Ih tung sun ni van lai ah kai cii ciai e,
Sing hem dawh tuam kol tung ah, kei hai ing e.
- Sing hem dawh tuam kol tung ah lu’n pah tang ah,
Tung sun nin’ kil lam zong ven, ken zong mawng e.
Pu Tuang Ngam pen tha nuam in zong thu dik in sawl zang in a pu te’n a sila dang te sangin it zaw, it pen ki ci hi.
A Sila Te:
- Pu Tuang Ngam Phiamphu beh
- Pu Cong Pui Thang Gal te beh
- Pu Jun Hong Thatmun
- Pu Be na, Be dok (u nau) Vungh hlu
- Pu Numei Pawl khat zong
A tapa Gawh Pau saizaang khua ah a inn tuan ding ciang in a pu Pu Khan Thuam in ih sila te sung pan kua pen tawh ton nuam na hiam? cia a dot ciang in Tuang Ngam tawh ton nuam ingh ci a hih man in pu Tuang Ngam ton pih pah hi ki ci hi. Saizaang khua ah hong tang val a taang ko sem sak hi. A mah pen a kheel bai-in, Gawh Pau sang gam numei te’ leh a sila pih numei ten sim mawh aa, Tuang Ngam in gal a mat leh a han zu leih na ding gun’ tui tawi ning ci-in nuh nau gawp in ih pu in dawng het lo in ciam the gig e aa, a pu Gawh Pau tawh gal beng ding kuan aa, gal nih man in inn a tun ciang in thu dang gen lo in hih la a phuak hi.
- Ka pi Sei tawh ciam ing e sun ni nu tawh laal na thah leh khang gun tui tawi ning ci e.
- Khang, gun tui tawi khua suak mual na khum zuk am,
Taang lai thah lu khua mual ah al van bawm e.
Hih la a gen ciang in, “hi ma hi, ih ciam sa hi,” ci in tua nu mei teng zong seng tawh beel tawh ki thawi-in a pu te un zu beel khat tawh lem aa, tawi nawn lo in ki lemh uh hi.
Saizang khua gal te a sim ding in hong pai uh aa, gal vil te in phawk in patau ki ko in Mual beem te zong ko uh hi. Pu Tuang Ngam taang ko a hih mah bang in phui sam in, a siam a sa ko in ka Khuang ding tho in ka (Muanding) tho in na khua gal in hong sim hi, ci in nak pi tak in awng hi. (Ka khuang ding, ka muan ding) a cihpen a khua taw sial taang lui tun suk dek tak na-ah a lang leh a lang keen pi hi aa, a kawm kaal lei a ki hawi tungah Muan Sang pi pi nih ki nai hil hel in om aa, a kawm kal vang, ni dang in ki ci hi. Kei theih ciang in khat puuk khin in vang nawn lo hi. Khat bek a po lai zong lau huai mah mah hi. Kum thum sim in sial khat ta in bia uh ki ci hi.
Mual beem te tawh a khua nih un uum gawp uh in gun lei ka’n na kawn khau sat sat in, a thah man loh uh pawl khat tui in tai a, a khua uh ah a tung kiik tam het lo hi, ki ci hi.
Pu Tuang Ngam Hi La Nih Na Phuak Hi
- Sai tui von tawi kai nuam a do za tam aw, deih na kawi na na ban zal pai a kuangh e.
- Gual tawh han lung na ciam na na se lung aw, amual ki tawi siat lei tang ka tai sak e.
Mualbem Ten That Ding In Ki Thawi
Ka khuang ding leh ka muan ding sum bang biang e, lei do tang phung bang ki ciang taang bang thang e.
Hih a cih leh Mualbem te’n “No guak zawh hi kei, ko tawh ih ki kop ciang aa a ki zo bek hi” ci-in heh aa, that ding a a ki thawi leh, “A dawn beek hong gen sak’ lai un” ci-a “gen in” a ci-in gen sak uh hi.
Ih khang cian tui no tung ah lam bang ngangh e, Beem tui tang gual no bang a siing om lo e, a cih ciang in Mual beem te lung dam in lehak kiik uh hi.
A Gal La Phuah Te:
- Ka sei no in sim sal taang ingh e, kei zing nuam sing ka tanpih ding suii ingh e.
- Taang ka gual in phei phung va bang bai ci aa, Do dai taang a ka din nin baii meel mang e.
- Ka sei no in lun siang mawng bang peem ingh e, gual in sial lum a lawh leh lo lii ing e.
- Gual in sial lem a lawh leh loii ingh aw, Lai mi va bang a mat leh, hen loii ingh e.
⚠#SUBSCRIBED#⚠ ⚠แှိแ်แေးแားแို့แောแ်းแိုแါแแ ေ⚠ ⚠{SALAi: ZO-SANGPY}⚠ Please Subscribe: My Channel and Press the bell icon✌️
⚠{SALAi: ZO-SANGPY}⚠
